صلاله 2010

السلام عليكم ورحمه الله وبركاته

أحبتي اليوم هو يومي الأول في صلاله.. الساعه الآن 11:14 PM

أول ماركبت السيارة.. وأبوي يسكر بوابه البيت

بديت أكتب لكم.. سفرتنا لهالعام.. والأسباب كثيره << بحتفظ فيها لنفسي

الساعه 4:28 AM طلعنا من البيت..

وصلنا فندق السيب الدولي ساعه 4:39 AM

من 4:43 لحد 4:51 ونحن ننتظر أولاد عمتي.. وعائله أم حور في محطه مها (بابل للتسوق)

5:12 AM وصلنا سمائل (ولاية سمائل ترحب بكم)

5:25 AM اشرقت الشمس.. والشارع صار واضح

بس للاسف ماشفت شروقها يمكن كانت ورانا وهيه تشرق

5:32 وصلنا إزكي ( ولاية أزكي ترحب لكم )

التفاصيل

الشارع فاضي والدنيا ظلام.. بس الشعور رائع

ساعه 5 ونحن في شارع يؤدي لنزوى وصور.. قريب من لوحه.. إسمنت عمان.. ومافي ليتات مضاءة في الشارع

وين الحكومه ؟؟!!!!

شفايده.. مركبينهم.. بس مايشغلوهم؟؟!!!

المهم

الساعه 5:10 AM ابوي تجاوز ولد عمتي بعد ماتجاوزنا قبل دقايق.. حمااااااااااااااس

ابوي يسوق 130 تقريبا.. بعدنا ماوصلنا نزوى

5:14 AM مرت جمبنا بيك اب.. وراء في بقرة.. حمااااااااااااااااااااس..

منطقة الصويريج قريب سمائل ذكرتني بصاروجه ( صاروجه كلمه .. عباره عن إسم إنسانه.. دخلت عائلتنا (أهل امي تحديدا) في يوم من الأيام وللحين نتكلم عنها )

الحين 5:43 AM مرت جمبنا بيك اب.. وراء في غنمه

ههههههههههه ماعرف نحن في شارع او مزرعه

5:45 AM وصلنا قريب جامعه نزوى حماس

5:56 AM بديت أكل وعاد طلعنا من نزوى.. وناسه.. امي شاركتني الاكل

جالسة اكل خبز مع نوتيلا( شوكولاته) اختي الكبيرة عاملته لنا

6:01 AM قابلنا اول سيارتين من ابو ظبي

6:05 AM وصلنا إستراحه عويفية ومطار ادم

6:07 AM اخيرا شفت الشمس على يسارنا.. حلوه كثير ولونها حلو..

6:08 AM مرينا من نادي البشائر الرياضي الثقافي

6:11 AM ببدأ اقرأ رواية الخيميائي

6:19 AM وصلنا ادم ( ولاية ادم ترحب لكم )

6:26 AM شفنا اول جمل في الشارع.. اضطرينا نوقف عشان يمر.. حمااااااااااااس

6:49 AM فطوم قامت وعطيتها أكل.. حماااااس

7:11 AM وصلنا إستراحه الغابة.. واخيرا بشوف حورو

8:17 AM قررت اللعب مع فطوم لاني بديت اتعب من الجلسة وبصراحه فيني إحساس قوي بلوعان الطريق

8:37 AM برجع اكمل القراءة علشان ماحس بالوقت.. التعب واصل حده

8:51 AM وصلت صفحه 86 من الرواية.. وقررت أنام شوي

8:54 AM وصلنا محطه بترول

9:55 AM وصلنا إستراحه الغافتين

10:50 AM وصلنا إستراحه قنتب فصحيت

11:15 AM تو طلعنا من إستراحه قنتب

تو بنروح لصلاله مباشرة.. هذي كانت اخر استراحه

11:45 AM وصلت صفحه 139 من الرواية.. وقررت أصور الصحراء لان قريب نوصل الصحراء

صورت 5 صور.. كنت اتمنى انزل لكم بعضهم..

بس 3 لي مع الاهل.. و2 كانوا للصحراء.. بس ابدا مو واضحين بسبب قوة ضوء الشمس..

12:12 PM وصلت صفحه 158 من الرواية.. فهالمقطع أعترف لكم السبب إلي خلاني أقرر أصير أفضل فهالسفرة

هو حبي لنفسي.. مو أنانية.. لكن إستعدت إحساسي بالحياه

وتذكرت بأن الحياه مؤقته.. وتذكرت ان وراي حساب وعقاب

ووراي اما جنه او نار.. وتذكرت جمال الدنيا وابديتها

تذكرت شوقي وحبي لرسول الله محمد صلى الله عليه وسلم

تذكرت رغبتي القوية إني أكون مع الصحابه الكرام

وتذكرت ان الرجال في الجنه بيكونوا بجمال سيدنا يوسف عليه السلام

ومايحتاج اخبركم.. ان الله سبحانه وتعالى لما خلق الدنيا

وزع جمال الكون لنصفين.. النصف في سيدنا يوسف عليه السلام

والنصف الثاني وزعه على الدنيا كلها.. يعني لا تحاولوا تتخيلوا جماله

يااااااااه.. والله مافي رجال فهالدنيا يسواه في جماله

شو أخبركم؟؟ شو احكي لكم؟؟ مشتاقه للجنه.. شوقي هالايام زايد

مجرد التفكير بهناك يخليني ابي ابكي شوق وحزن على ذنوبي إلي تبعدني عنها.. بس إن شاء الله بتغير للأفضل.. وبقترب منها من جديد

12:44 PM وصلنا لثمريت (دوار ثمريت)

الحين وقفنا نشتري الغدا.. بس ماعجبهم

1:14 PM واصلنا المسير.. لحد فندق ثمريت السياحي.. طلبنا ارز مع سمك ولحم ودجاج.. حمااااااس

وهذي صورة للمكان الي فيه المطعم..

1:19 PM اخيرا خلصت الرواية كامل 137 صفحه

بصراحه كانت روايه روعه.. تستاهل القراءة فعلا.. إسمها الخيميائي ( بكتب عنها موضوع خاص.. كامل )

1:38 PM وصلنا لحدود الشرطه والضباب قوي.. ودرجه الحراره 22

من قوة الضباب حتى ماوقفونا بس خلونا نكمل اول مرة بدون مايعدونا :P

2:13 PM نزلنا من الجبل

2:54 PM راح نتحرك من مكانا.. لان وقفنا نتغدا وصورت بعض الصور..

3:15 PM وصلنا البيت اخيرا.. بيت جدتي.. كل صيف نسكن فيه هني..

3:25 PM قررت أنام شوي

ساعه 5 تقريبا صحيت من النوم..

5:25 PM خلصت أصلي الظهر والعصر جمع تأخير

والحين ببدأ في رواية الإنتظار

6:00 PM تعبت من القراءة طلعت من الغرفه اطلب من الاهل نطلع ندور باقي ساعه على المغرب بس الاهل تعبانين.. مارضوا..

فماطلعنا وجلست على الاب توب شوي..

بس وصلت حور.. وعاد مافضيت لحد ماتعشينا وصلينا

ورجعت للاب توب ساعه 11:14 PM

والحين ساعه 11:58 PM بطلع أنام إن شاء الله

عشان أصحى بدري..

وابدأ يومي الـ 2 في صلاله

تصبحون على خير يالغاليين

الله يحفظكم جميعا