فضفضه قلب 3

تم مسح الموضوع لتخفيف حدته

ولكن بعد مراجعتي له مرارا وتكرار.. عجزت عن تغييره

فماكتبته كان واقعا.. ومشاعر صادقه من أعماقي.. لا يمكنني إنكارها.. أو إستبدالها

ولكن مراعاه لبعض المشاعر.. قررت حذف بعض العبارات

مافي مقدمات لان العمر ماينتظر

تدرون متضايقه حيل << حيل = واجد هههههههههه

بس فرحانه

لان الغلط مني

ههههههههههههههههههههه

قبل كل شيء

لا أحد يقولي.. ليش فصيح وعامي مع بعض..

لما يكون العنوان فضفضه قلب.. يعني لا احد يكلمني عن كلماتي المستخدمه..

جالسة أفضفض إلي في بالي وقلبي أكتبه

خلوني أخفف الزحام الي صاير في عالمي..

بخبركم حاجه مهمه كثير

لما تبوا تسافروا

لا تخبروا احد

بس جهزوا الشنطه.. والملابس.. ولا تاخذوا كثير

سمعت نصيحه من ناس سافرت كثير

يكفيكم بنطلونين جينز.. مع كم قميص وبس.. << ترا عندي ملابس كثيرة بالبيت ههههههههههه.. بس مابي اثقل على عمري.. عشان يكون سهل انتقل من منطقه والثانية

ومفكرة اسوي هالشيء فعلا..

لاني مو رايحه اسوي استعراض ملابس.. وانما رايحه اطلق روح مكبوته..

مشكلة لما ناس ماعادت تحلم.. واستسلمت لواقع عمرها وروتين الحياه

ماتحس بأحلام غيرها.. ورغباتهم

لا تلوموني أتجاهل الواقع.. والحاضر

لاني مو عايشة لهالفترة من حياتي

انا طول عمري انتظر حاجه ووصلت لها

والحين انتظر حاجه ثانية علشان أكمل الباقي من أحلامي

وإن شاء الله بوصل وبحققهم

لو في حاجه بتمنعني بيكون حاجه وحده لا غير

وهيه.. وفاتي..

دام إني في كل سنة.. أتمنى أمنيه في يوم ميلادي..

إذا بعد كم سنة.. بحقق هالأمنية برحابه صدر وإبتسامه وسعاده

متى سأنتقل لواقع الفعل

مللت من الكلام.. والحلم والوعود..

أريد واقعا أعيش فيه..

أعلم فيه من أنا .. وكيف أنا .. وماذا أفعل .. وماذا سأفعل ..

نشرت الموضوع وتذكرت حاجه مهمه

كثير قالوا لي انتي كثير مستعجله ان تخلصي دراستك ومتقدمه عن دفعتك والحاله

مو وراك

حبيت ارد عليهم واقول

اول ما أحصل ورقه تثبت اني توظفت..

راح يتم إطلاق سراحي بشكل جزئي

فلا تستغربوا ليش ذابحه حالي ابي اخلص..

كلمه أخيره

سامحني لأني وضعتك في ذلك الموقف

ولأكن إعتقدت بأنك ستساندني.. وللأسف مازلت أمنحك فرصا..

ومازلت تستمر في تخيب ظني بك..

ولكني لا ألومك.. فأنت لا تستطيع الوقوف بوجههم

ولا أنا أستطيع

وليس أمامي سوى أن استمر أحلم..

وأستمر أكتب

وأستمر في الحياه.. كروح تنتظر تحريرها..