فضفضه قلب 4

مساكم الله بالخير

في العاده لما أكتب العنوان فضفضه قلب يعني في حاجه صايرة

بس مو عارفه كيف اعبر عنها

فأخربط بالحكي لحد ما أقول إلي أبي أقوله بس بطريقة تريحني وماتفضح حالي وإلي صاير

بس هالمرة أحسها غير

مافي حاجه معينه أبي أحكي عنها

بس أبي أحكي

تدرون صرت ما أحب الزحمه

هالايام الاخيره بديت أعمل حاجات مفيده واستفيد شوي من وقتي

بصراحه شعور رائع

لما تتصفح موقع مفيد.. فيه معلومات تفيدك في دراستك أو حياتك

تثقف حالك

شعور جدا رائع

أعترف مو كل يوم.. بس هالمرات القليله تسعدني

وعسى تزيد مع الأيام

أبي أعترف بحاجه

الكتمان كثير صعب.. خاصه لما تكون متأكد من حاجه.. وتبي تعلنها للناس

بس ماتقدر.. لأزم تنتظر غيرك يعلنها

ولو كانت تخصك إنت بعد..

كثير صعب تكتم.. وتتجاهل واقع.. وحقيقة..

وتدري إن الكلام على طرف لسانك.. وتدري الغير يبي يحكي

بس لا إنت ولا اهمه يقدرون يتكلمون..

فالكل يظل ساكت..

والحقيقة محد يعلنها..

ياخي شعور يقهر.. ودومي فاشله في الكتمان

بس عساني أنجح هالمرة.. ياااااااااااااااااااااااااااااااارب أنجح

ياكثر ما أحلم الدوام.. وإلي معاي في الدوام..

والإستراحه تكون إني أحلم أهلي

فمتى راح أحلم نفسي؟؟!!!!

حلمتها مرة.. ومرتين وثلاث.. فمتى راح أحلمها في حلم.. يتحقق في المستقبل ويسعدني..

أدري إني جالسة أهايش..

بس أحيانا نبي نقول كلام.. بس حتى للمجهول مانقدر نقوله..

أتمنى تعجبكم المواقع الإلكترونية إلي ضفتها في الائحه..

الله يسعدكم دوم..

كلمه أخيره

شكرا.. شكرا.. شكرا.. لــ أحدهم

سأتخذ من الصمت زادا لرحلتي.. لعل الزاد ينهي معاناتي